علّق الفنان حمزة العيلي على التصريحات الأخيرة التي أطلقتها الإعلامية ياسمين عز، والتي هاجمت خلالها الفنان محمد صبحي، مؤكدًا أن حالة الجدل والفتن باتت متزايدة بشكل مقلق.

وكتب حمزة العيلي عبر حسابه الشخصي على موقع «فيسبوك»:
«عاوز بس أوضح للناس المحترمين المهتمين بما أكتب إني مش لازم أعلق على كل حاجة بتحصل، وأغلب الوقت بكون في شغلي وبيفوتني حاجات كتير، ولو اتكلمت بعدها لا هتزود ولا هتنقص، ولكن عشان في ناس كتير بعتتلي عن موضوع الأستاذ والفنان والنجم الكبير المثقف المدرسة محمد صبحي وإني ليه ساكت».

وأضاف العيلي: «مبدئيًا في وطن عربي كامل غير المصريين بيردوا على أي تافه تطاول على الأستاذ اللي ياما أمتعنا بفنه وعلمنا قيم جميلة، ويكفي يوميات ونيس، عاوز بس أقول حاجة».

واختتم منشوره قائلاً: «إحنا في زمن كله فتن وزادت بشكل مرعب، وإيه الغاية أو الهدف من حدوثها الله أعلم، إحنا المفروض كلنا إخوة وجايين الأرض نعمر مش نخرب، واللي جواه خير بيقدمه ربنا هيكرمه، واللي جواه شر وبينشره هيتردله».

ويأتي تعليق حمزة العيلي بعد تصريحات ياسمين عز، التي افتتحت بها حلقة يوم الجمعة الماضي من برنامج «كلام الناس» المذاع عبر قناة «MBC مصر»، حيث علّقت على أزمة الفنان محمد صبحي وما اعتبرته هجومًا منه على المملكة العربية السعودية.

وقالت ياسمين عز: «لو عايز تقول رأيك الفني قول أو غير الفني قول، لكن تتجاوز ده غير مقبول، ولما تيجي تتكلم عن دولة شقيقة المملكة العربية السعودية يا محمد صبحي الزم حدودك».

وأضافت: «يا محمد صبحي اعرف بتقول إيه، وأنت بتتكلم عن أطهر بقاع الأرض، اللي كان فيها الرسول محمد صلى الله عليه وسلم، وأرض الإسلام وقبلة 2 مليار مسلم».

واختتمت ياسمين عز تصريحاتها قائلة: «محتاج تعرف بتقول إيه ومش بتقول إيه، وخليك شريف في خصومتك، وكفاية محاولات لتشتيت الانتباه عن مشكلة السائق».