وجه الفنان محمد إمام رسالة إلى جمهوره منذ قليل عبر حسابه على "إنستجرام: "شئ مش سهل إن الواحد يثبت نفسه في نفس مجال أبوه، خصوصاً لو الأب مش بس ناجح لا ده كمان عدى مرحلة النجاح و وصل لمكانة ماحدش غيرُه وصلها .

اتهاجمت كتير و اتحاربت أكتر، بس عمري ما ركزت مع أي هجوم أو إحباط، كان كل حياتي و تركيزي في شغلي مجهود كبير في سنين كتير علشان أثبت نفسي في شغلانة بحبها من كل قلبي .

بس جمهورها مش بيرحم و صعب جداً ابن فنان ينجح فيها لحد مانتوا اللي خليتوا أفلامي من أعلى الإيرادات و مسلسلاتي من أعلى المشاهدات .
شكراً لكل اللي وقف جنبي و شجعني .. أنتوا السبب بعد فضل ربنا سبحانه و تعالى اني أمضي عقد بأعلى أجر في مصر .. و شكراً لكل اللي حاربوني .. أنتوا خلتوني أقوى بكتير.

فخلوا بقى موضوع الزعيم على جنب و خلونا نشوف أكل عيشنا
علشان اللي جاي ماجاش زيه".

يعرض الأن لمحمد امام مسلسل "هوجان" حصرياً على قناة الحياة، وغداً الحلقة الأخيرة من العمل.

"هوجان" من تأليف محمد صلاح العزب وإخراج شيرين عادل وإنتاج سينرجى ، وبطولة محمد امام، كريم محمود عبد العزيز، صلاح عبد الله، رياض الخولى، أوس أوس، أسماء أبو اليزيد، ميرنا نور الدين، هاجر أحمد، عايدة رياض، عارفة عبد الرسول، سليمان عيد، أحمد التهامى، كريم عبد الجواد، محسن منصور.