حرصت هبة التركي، أرملة اللاعب الراحل إبراهيم شيكا، على إحياء ذكرى ميلاده الـ29 برسالة مؤثرة نشرتها عبر حسابها الشخصي على موقع «فيسبوك»، عبّرت فيها عن شوقها وحزنها لغيابه.

وكتبت هبة: «النهاردة عيد ميلاد إبراهيم، عيد ميلاده الـ29، بس هو مش موجود معانا… عيد ميلادك ده هيعدي عليك من غير وجع ومن غير حقن ومن غير سرطان يا حبيبي، لكن علينا أصعب يوم… إزاي مش موجود وإزاي في لحظة مشيت كده، إزاي عدى عليك 9 شهور من غيرك… هتفضل حاضر في قلبي لآخر نفس».

كما أرفقت دعاءً مؤثرًا قالت فيه: «كل سنة وعيدك في الجنة يا حبيبي، اللهم اطعمه من الجنة واسقه من الجنة وأره مقعده فيها، واغسله بالماء والثلج والبرد، ونقِّه من الذنوب والخطايا كما يُنقى الثوب الأبيض من الدنس».

واختتمت رسالتها بقولها: «وحشت أنس وكيان جدًا يا إبراهيم، وحشتنا أوي… كل حاجة ناقصة من غيرك… ربنا يجمعنا بيك ويهون علينا غيابك، مكانك دايمًا موجود بينا».

تفاعل المتابعون بشكل واسع مع الرسالة، متمنين الرحمة والمغفرة للفقيد، وتقديم العزاء والمواساة لهبة التركي وأسرتها.