فجر المطرب محمد رشاد، مفاجأة لجمهوره بإعلان عودته لخطيبته المذيعة مي حلمي، بعد 4 شهور من انفصالهما، يوم الزفاف في شهر أكتوبر الماضي .

ونشر "رشاد" على حسابه بموقع "فيس بوك" صور من حفل زفافه الذى تم إلغائه ، قائلًا: "أنا شفت شماتة فى أكتر يوم كنت بستناه مع أكتر بنت حبيتها فعمرى كله، وكنت بحسها بنتى وحبيبتى وصحبتى طبعًا من وقت المشكلة اللى حصلت اليوم دا لحد النهاردة استفدت كتير من اللى حصل حواليا، أولهم إن ناس كتير ممكن تبين فرحتهم وهما مش فرحانين ليك من قلبهم دا تمثيل، ووقت المشكلة بيتحول الفرح لتصفية حسابات على حساب أى حد".

وتابع: "تانى حاجة ناس كتير بالذات فى مجالى هتبين أنهم أصحابك وبيحبوك وعايزين يفرحوك ووقت السبق هتلاقيهم أول ناس بيستغلوا الخبر عشان محدش يسبقهم ويبقوا أوائل الناس حتى لو بكدا بيخوضوا فى تفاصيل حياتك الشخصية.. فى الآخر مش هيفضل غير اللى بيحبك وبيتمنالك الخير، الناس وآرائهم مش هيكملوا معاك حياتك بس اللى بيحبك وعايزك معاه هوا بس اللى هيفضل.. اتمنوا لنا الخير ولكم المثل يا رب".