◙◙ التشابه بيني وبين أحمد فتحي أزمة كبيرة في حياتي

◙◙ رسالتي للجميع: انت تصنع مستقبلك فأنشغل به وحدك

«يخلق من الشبه أربعين» ، هذه المقولة تنطق علي الكثير من الأشخاص وعلي العديد من الفنانين الذين تفاجئوا بوجود شبيه لهم سواء دخل الوسط الفني او خارجه ولم يقتصر الأمر علي الشكل فقط بل احيانا التشابه الروحي.

ويوجد الكثير من الفنانين الذين يعانون من وجود شبيههم وهو ماتسيب لهم في إزعاج شديد وعلي راسهم الفنان محمد فتحي، الذي فوجئ في بداية مشواره الفني شبه كبير بينه وبين الفنان احمد فتحي واعتقد الجمهور انه هو نفسه الفنان احمد فتحي وهذا الامر كان السبب في ازمة كبيرة للفنان محمد فتحي في بداية مشوار الفني، وهو ما تكشف عنه «الدفاع العربي» في سياق حوارها مع الفنان محمد فتحي.

◙ حدثنا عن أغرب موقف حدث معك؟

◙◙ «تواصلت معايا مذيعه راديو عن طريق «فيسبوك» فى رمضان 2018، وقالتلى عايز اعمل معاك حلقة فبعتلها رقمى وتواصلنا وحصلت على اسمي كاملا من أجل تصريح دخول ماسبيرو المهم انا الشك دخل قلبى ف لحظه وقولت اسألها هوا انتى عارفه انا عملت ايه قبل كده قالتلى بثقه اااااه طبعا يا استاذ محمد فيلم جحيم ف الهند و فيلم كابتن مصر قولتلها هوووب هووووب اولا اللى عمل دول اسمه احمد فتحى انا أسمى محمد فتحى.. طبعا قعدت تتأسف كتير اوى و احراج ليا و ليها طبعا اتضايق شوية بس قعدت اضحك هوا للدرجادى الشكل قريب اوى كده
طبعا ده غير الناس الكتييير اللى بتفتكرنى هوا او بتفتكرنى اخوه و بعد احلف عشان اقول مش اخوه و مش انا لدرجة انى بدأت ازهق و اقولهم اه اخوه عشان اخلص.. هوا الموضوع يضايق و مش يضايق
يضايق انى مش عايز ابقى شبه حد و ليا استايل الخاص.. و ميصايقش لان شرف ليا انى ابقى شبه فنان محترم شكلا و ليس مضمونا».

◙ هل تعلم بأن الزعيم عادل تعرض لهذا الموقف في بدايه مشواره الفني، وايضا الفنان محمد فواد؟؟

◙◙ لا مكنتش اعرف خالص، بس لو حبقى زى الزعيم عادل امام دلوقتى انا ممكن انزعج عادى جدا.

◙ ماذا عن الحب في حياتك؟

◙◙ مراتى هى حبيبتى قصه حب سنة و نصف قبل الخطوبة و 3 سنين خطوبة وسنتين الا كام شهر جواز وهى ممثله زية برضو بس مسرح ف اسكندرية، اول مره اقولها بحبك كان ع المسرح و احنا شغالين بنعرض قدام الجمهور

◙ هذا يعني انك شخص رومانسي؟

◙◙ مش عارف بس مبعرفش ازعل حد منى.

◙ هل برأيك الفنان بحاجه لحب في حياته؟

◙◙ أكيد طبعا لازم يحب و يتحب، لازم حاجة تحركه لان التمثيل ساعات بيضيع مصداقية الشخص في الحياة من كتر ما هوا بيمثل، ممكن يمثل على حد من غير ما ياخد باله انه بيمثل.

◙ ما هي احب الموسقى.لديك ومطربك المفضل؟

◙◙ موسيقى عمار الشريعى وياسر عبد الرحمن و مودى الامام، ومحمد منير مطربي المفضل.

◙ في نهايه الحوار ماذا تريد ان تقول ؟

◙◙ ياريت الناس فعلا كل واحد يركز في اللى بيعمله ميركزش ف اللى الناس بتعمله، انت بتصنع مستقبلك مش مستقبلهم.