حرص الرئيس عبدالفتاح السيسى، على توجيه كلمة للشعب المصري، عقب حادث معهد الأورام الإرهابي الذي راح ضحيته اكثر من 20 قتيل.

وقال السيسي خلال افتتاح مجمع إنتاج الأسمدة بالعين السخنة: «الأشرار المخربين المدمرين بيحاولوا يهدوا.. ولكن مش هيقدروا، مش علشان إحنا جامدين، ولكن لأن ربنا ميرضاش بكده، وربنا خلق الإنسان لعمارة الأرض مش للإفساد ولا للهدم».

وأضاف: «شوفوا يا مصريين وبصوا على الدنيا حولين مننا، هل فيه دين يقام كده؟ هل فيه إصلاح يقام بالهدم؟، قلت الكلام ده كتير بس التصدى ليه مش الدولة بس، احنا كمجتمع لازم نفهم أولادنا ونوعيهم وننصحهم ضد الفكر ده، مافيش دول هتطلع لقدام بالهدم ولكن بالانضباط والخلق والتعليم والجهد والصبر والبناء لكن مش بالقتل ولا التخريب».